Kæru framhaldsnemendur,
vormisseri 2012 hefst á morgun fimmtudaginn 5.janúar og bið ég ykkur að skoða vel stundartöfluna hvar og hvenær tímar ykkar eru staðsettir. Staðsetning tíma frh deildar í MH á mán, þri og fös hafa færst yfir á Dansverkstæðið á Skúlagötu 28, fyrir ofan KEX hostel/veitingastaðinn. Það er mjög góður kostur að vera einnig með tíma í umhverfi sjálfstæða dansgeirans á Íslandi en í Dansverkstæðinu má finna ýmsar upplýsingar um dans erlendis sem hérlendis, þar er einnig nettenging. Sem sagt tímarnir í Dansverkstæðinu eru þá: Mánudaga: 16 00 - 20 00, NTD B (James), NTD A ( Brian) spuni 101 (1.ár, Brian) Þriðjudaga: 16 30 - 20 00 NTD C ( Hildur), KOR 102 ( Ásgerður, Lára o.fl) Föstudaga: 16 00 - 18 00, tveir salir KOR 102 Eins og er þá standa tímarnir í MH á mið og fim. Skoða töflu vel takk fyrir og gangi ykkur vel að púsla öllu saman!!!
kær kveðja Lára

Þessi skemmtilega myndasyrpa birtist á mbl.is eftir jólasýningu grunnskólans í Gamla Bíó endilega kíkið á hana með því að smella HÉRNA 
 

Stundatafla vorannar 2012 er komin inn á vefinn og er hægt að nálgast hana í gegnum dálkinn hér til hægri...

Nú 16. & 17.desember dönsuðu 28 nemendur framhaldsdeildar Listdansskólans á jólatónleikum Sinfóníuhljómsveitar Íslands í Eldborgarsal Hörpu.  Dansatriðin sömdu kennarar skólans Brian Gerke og Guðmundur Helgason og komu þau einstaklega vel út í þessari glæsilegu umgjörð sem Eldborgarsalurinn er. Krakkarnir stóðu sig mjög vel og ljóst að þessi reynsla er þeim mjög dýrmæt, að dansa í svo stórum sal (um 1.400 áhorfendur á hverjum tónleikanna þriggja) við undirleik heillar sinfóníuhljómsveitar. 

 Hópurinn glæsilegi sem dansaði í Hörpu

Þar með er lokið þessari haustönn hjá okkur í Listdansskólanum og við komin í jólafrí.  Kennsla hefst aftur samkvæmt stundaskrá 5. janúar 2012. 

Þá er komið að jólasýningu grunnskóladeildar Listdansskóla Íslands og verður hún miðvikudaginn 14.desember klukkan 18 og klukkan 20 í Gamla Bíó.  Sýningin nefnist Draumur á aðventu og er lítil falleg saga um strák sem fær óvænta heimsókn á aðventu. Snjókarl vekur hann upp af værum svefni og tekur hann með sér í ævintýraferð. Þeir fljúga um loftin blá innan um tunglskinið, norðurljósin og skýin og lenda í ýmsum spennandi uppákomum. 

Að lokinni flottri sýningu framhaldsdeildar Listdansskóla Íslands í Austurbæ 30.nóvember síðastliðinn var komið að því að útskrifa fimm unga dansara sem sumir hverjir hafa verið í skólanum í heil 10 ár.  Það verður spennandi að sjá hvað þessar glæsilegu stúlkur taka sér fyrir hendur núna að loknu námi. Við óskum þeim innilega til hamingju með áfangann!

Frá vinstri: Hildur Margrét Jóhannsdóttir, Hrund Jóhannesdóttir, Bryndís Snæfríður Gunnarsdóttir, Aldís Gunnarsdóttir, Snæfríður Ingvarsdóttir. 

Allar æfingar eru í Listdansskólanum nema annað sé tekið fram... 

Arabíski og kínverski dansinn:
Föstud. 2.des 16-18
Mánud. 5.des 18:30-20:30
Þriðjud. 6.des 17-19
Miðvikud. 7.des 18-20
Fimmtud. 8.des 16:30-18:30
Föstud. 9.des 16-18 

Blómavals: 
Laugard. 3.des 
4 Pör kl. 11:45-12:45
Svalastelpur kl. 15-16

fimmtudaginn 8.des
14:30-15:30, 4 pör
15:30-16:30, Svölurnar

föstudaginn 9.des
14:30-15:30 Allir - (Ellen Margrét, sykurplóma líka)

laugardaginn 10.des
14-16 Allir (sumir sleppa jafnvel fyrr heim)

Mánudaginn 12.des
14:30-15:30 Allir, æfing & rennsli

Þriðjudaginn 13.des
15:15-15:45 Allir, æfing & rennsli

Miðvikudaginn 14.des
14:30-15 Allir, æfing & rennsli 

Æfingar með Sinfó í Hörpu:
Fimmtud. 15.des kl 9:30-13
Föstud. 16.des kl 9:30-12:30 
-Sýning sama dag kl 17 
& laugardaginn 17.des kl 14 & 17 

Með fyrirvara um breytingar... 

ÆFINGAR þriðjudaginn 29.nóvember 2011 í AUSTURBÆ 

Æfingaplan framhaldsdeild klassík vikuna 21-26 nóvember 2011
AÐRIR TÍMAR SAMKVÆMT STUNDATÖFLU

Mánud. 21.nóv
Kl. 13-13:20 -Mummi
Strákar Walpurgisnacht SOLO Kalli, Kolbeinn, Teitur
kl. 13:20-14:30 –Mummi
3 extra pör Aldís+Viktor, Bryndís+Teitur, Þórhildur+Ástbjörn

Hin árlega haustsýning framhaldsdeildar Listdansskóla Íslands verður í Austurbæ í ár og er lofað ósvikinni skemmtun. Dansatriðin eru fjölbreytt, skemmtileg og við allra hæfi. Sýningin er opin öllum sem hafa gaman af því að horfa á góðan dans. Miðaverð aðeins 2000 kr. Tveir fyrir einn gegn framvísun danskortisins og ókeypis fyrir 12 ára og yngri.

Miðasalan hefst í Listdansskóla Íslands mánudaginn 21.nóvember og verður svo við innganginn á sýningardaginn 30.nóvember frá kl. 18:00 en sýning hefst kl. 20:00. Einnig er hægt að panta miða á listdans@listdans.is